अश्या या सोळाव्या लुईची ही बायको राजकारणात मात्र अनुभवशून्य होती. तिच्याकडे दूरदृष्टीचा अभाव होता. ती उधळ्या प्रवृत्तीची होती. मेरी अँटोइनेट, राणी म्हणून तिच्या सुरुवातीच्या वर्षांत, पैसे उधळणारी आणि बेजबाबदार अशी त्याची ओळख होती. तिने कपड्यांवर मोठ्या प्रमाणात खर्च केला होता. दररोज जवळजवळ नवीन महागडे ड्रेस ती खरेदी करीत असे. ती ऑस्ट्रियाची असल्यामुळे ती फ्रान्समध्ये अत्यंत लोकप्रिय नव्हती.

एकदा लोकांनी राणीला सांगितले की, फ्रान्सची जनता उपाशी मरत आहे. त्यांच्याकडे खायला ब्रेड नाही. परंतु राणीनी लोकांना “लोकांना खायला ब्रेड नाही, तर मग त्यांना केक द्या खायला” असा सल्ला होता. यावरून त्याची समज लक्षात येते. फ्रेंच जनतेविषयी तिला अजिबात सहानुभूती नव्हती. त्यामुळे जनतेचा असंतोष आणखीनच वाढला होता. राणी मेरी अँटोइनेट यांच्याकडून होणारी पैशाची उधळपट्टी हे एक कारण होते कि फ्रेंच जनतेने राजेशाही विरुद्ध उठाव केला.

जेव्हा १६ लुई राजा बनला, त्यावेळी त्याच्या वाटयाला रिकामीच तिजोरी आलेली होती. त्याला राज्य, आर्मी, कोर्ट, विद्यापीठे चालवायचं होती. त्याचबरोबर राजवाड्याचा खर्च, तेथील लवाजमा, नोकर-चाकर, शोक या करिता प्रचंड पैसा लागत होता. असे असताना ही याच काळात त्यांनी अमेरिकेला मदत केली.

अमेरिकेच्या तेरा वसाहती इंग्लंड पासून मुक्त करण्याकरिता फ्रेंच सैनिक अमेरिकेच्या वतीने इंग्लंड विरुद्ध लढले. यांच्याकडे कोणताही पैसा नसताना सुद्धा त्यांनी कर्ज काढले होते. कर्ज देणारे हि जास्त इंटरेस्ट घेऊन पैसे देत होते. अमेरिकेला केलेल्या मदतीमुळे फ्रान्सवर जवळपास दोन बिलियन लिव्हर इतका कर्जाचा बोजा पडला होता. या सर्व कारणांमुळे फ्रान्सची आर्थिक परिस्थिती खालावलेली होती.